Manchester City vs K-League All Stars: Enzo Maresca Ball, Suuqa City iyo Wararkii Ugu Dambeeyay
Manchester City ayaa maanta ciyaareysa kulankeedii labaad ee diyaar-garowga (Pre-Season), iyadoo wajihi doonta K-League All Stars. Kulankan ayaa si weyn isha loogu hayaa maadaama taageerayaashu ay sugayaan horumarka falsafadda Enzo Maresca, oo kulankii hore barbaro 1-1 la gashay Inter Milan.
Inkastoo ay tahay ciyaar saaxiibtinimo, haddana waxay fursad u tahay Maresca inuu sii tijaabiyo qaab ciyaareedkiisa cusub iyo ciyaartoyda uu ku tiirsanaan doono xilli ciyaareedka cusub.
Ryan McAidoo Oo Seegaya Kulanka Maanta
War uu xaqiijiyay Enzo Maresca ayaa lagu sheegay in da’yarka hibada badan ee Ryan McAidoo uusan qayb ka noqon doonin kulanka maanta kadib dhaawac yar oo garabka ah, Kulankii Inter ayuu Bandhig Cajiib ah soo Bandhigay da,yarkaan.
Maresca ayaa yiri:
“Wuxuu qabaa dhaawac yar oo garabka ah. Ma aha mid culus.”
Taasi waxay ka dhigan tahay in City aysan halis gelin doonin xiddiga da’da yar inta lagu jiro diyaar-garowga.
Enzo Maresca Ball – Maxaa Ilaa Hadda La Arkay?
Kulankii Inter Milan waxaa si cad uga muuqday fikradda uu Maresca doonayo inuu kooxda ku dhiso.
Waxyaabaha ugu muhiimsan waxaa ka mid ahaa:
- Kubbad haysasho sare (Possession Football).
- Pressing joogto ah marka kubbadda la waayo.
- In daafacyadu gudaha usoo galaan marka kooxda kubbadda haysato.
- Dhismo weerar oo ka bilaabma goolhayaha.
- Khadka dhexe oo si joogto ah u maamula xawaaraha ciyaarta.
Inkastoo ay weli tahay Pre-Season, haddana qaab ciyaareedka cusub wuxuu muujinayaa in City ay yeelan karto muuqaal ka duwan kii xilli ciyaareedkii hore ee Macalin Pep.
Suuqa Manchester City Oo Weli Kulul
Manchester City waxay sii waddaa dadaallada ay ku xoojinayso kooxda.
⭐ Ayyoub Bouaddi
Wadahadallada lala leeyahay Lille ayaa si wanaagsan u socda, waxaana la filayaa in heshiiska la soo gabagabeeyo toddobaadkan haddii wax walba sidii loo qorsheeyay u dhacaan.
Bouaddi waxaa loo arkaa ciyaaryahan mustaqbal weyn leh, isla markaana noqon kara beddelka Rodri haddii uu baxo.
⚡ Pedro Neto
Manchester City ayaa sidoo kale lala xiriirinayaa Pedro Neto.
Garabka reer Portugal ayaa noqon kara beddelka Jack Grealish haddii isbeddel dhaco inta lagu jiro suuqa kala iibsiga.
🧤 Gerónimo Rulli
City ayaa gudbisay dalabkii ugu horreeyay ee rasmi ah ee goolhayaha Olympique Marseille, Gerónimo Rulli, iyadoo labada kooxood ay weli wada-hadallo ku jiraan.
Haddii heshiiskan hirgalo, wuxuu Buuxin doona Booska uu Baneyay Goolhayada Da,da yar ee James Trafod.
Mateo Kovacic Oo Sii Joogaya Etihad
Wararka ugu dambeeyay waxay sheegayaan in Mateo Kovacic uu sii joogi doono Manchester City xilli ciyaareedkan kadib wadahadallo uu la yeeshay maamulka sare ee kooxda.
Go’aankan ayaa siinaya Maresca khibrad muhiim ah oo uu ku dhiso khadka dhexe.
Nottingham Forest Oo Xiisaynaysa Tijjani Reijnders
Dhanka kale, Nottingham Forest ayaa muujisay xiisaha ay u qabto Tijjani Reijnders.
Kooxda ayaa raadineysa inay khadkeeda dhexe xoojiso, iyadoo Newcastle United ay sidoo kale hore u danaynaysay xiddiga reer Netherlands.
Haddii dalab rasmi ah yimaado, waxay noqon kartaa mid ka mid ah sheekooyinka ugu waa weyn suuqa toddobaadkan.
Maxaa Laga Filan Karaa Kulanka Maanta?
Kulanka maanta taageerayaashu waxay si gaar ah isha ugu hayaan:
- Qaabka cusub ee Enzo Maresca.
- Pressing-ka iyo kubbad haysashada.
- Sida ciyaartoyda cusub iyo dhalinyaradu isu muujiyaan.
- Doorka Kovacic ee khadka dhexe.
- Cidda fursad u heli doonta weerarka.
Inkastoo natiijadu muhiim tahay, waxa ugu weyn waa horumarka kooxda iyo sida falsafadda Maresca ay u sii muuqanayso kahor bilowga xilli ciyaareedka cusub.
Gunaanad dhamaan
Manchester City waxay u muuqataa koox si tartiib tartiib ah ugu socota qaab ciyaareed cusub oo uu hoggaaminayo Enzo Maresca. Iyadoo suuqa kala iibsigu wali furan yahay, taageerayaashu waxay sugayaan saxiixyo cusub sida Ayyoub Bouaddi, Garab Cusub oo weerar ah iyo Gerónimo Rulli.
Kulanka maanta wuxuu noqon doonaa tijaabo kale oo lagu cabbiri doono halka uu marayo mashruuca cusub ee Manchester City.
Views: 1