BREAKING: Chelsea oo ka dulqaadday Arsenal Morgan Rogers – Heshiis Taariikhi ah oo £117 Milyan ah!
Chelsea ayaa si lama filaan ah uga afduubatay Arsenal saxiixa xiddiga Aston Villa ee Morgan Rogers, kaddib markii ay heshiis buuxa la gaartay kooxda Villa oo lagu qiimeeyay £117 milyan, taas oo ka dhigeysa mid ka mid ah heshiisyada ugu waaweyn taariikhda kubadda cagta Ingiriiska.
Wararka soo baxaya ayaa sheegaya in Arsenal ay isku diyaarinaysay inay dalab rasmi ah u gudbiso Aston Villa, balse Chelsea ayaa dhaqso u dhaqaaqday, maanta la kulantay Villa, isla markaana xiratay heshiiska ka hor inta aysan Gunners tallaabo qaadin.
Sidoo kale, Morgan Rogers ayaa aqbalay inuu qalinka ku duugo heshiis lix sano ah, iyadoo kooxda ay haysato ikhtiyaar hal sano oo dheeraad ah, taas oo ka dhigan inuu Stamford Bridge sii joogi karo ilaa 2033.
Saxiixan ayaa noqonaya guul weyn oo uu Chelsea ka gaartay suuqa kala iibsiga, iyadoo ay si toos ah uga hormartay Arsenal tartanka loogu jiray mid ka mid ah xiddigaha ugu hibada badan England.
Haddii heshiiskan si rasmi ah loo xaqiijiyo, Rogers wuxuu noqon doonaa mid ka mid ah saxiixyada ugu qaalisan ee taariikhda Chelsea, waxaana laga filayaa inuu door weyn ka ciyaaro qorshaha mustaqbalka ee kooxda Blues.
🔵 Chelsea ayaa mar kale muujisay awooddeeda suuqa kala iibsiga, iyadoo hal mar ku dafaysay Arsenal saxiixii Morgan Rogers.
Views: 13